Argazkia: ehmendierronka.eus

Pasa den larunbatean, Euskal Herria Mendi Erronkaren IX. edizioa lehiatu zen, antolatzaileek dioten bezala, «euskal mendizaletasuna, mendi lasterketa, lurraldetasuna, ofizialtasuna, Plazaola natur bidea eta euskara sustatzea» helburu duen mendi lasterketa.

Edizio honek ere bi modalitate izan zituen: batetik 67 kilometro eta 7.200 metroko desnibela duen lasterketa, eta bestetik, errelebo lasterketa. Kasu horretan, lehenbiziko lasterkariak Leitzatik Putzuzarreraino egin behar zuen (32,8 km eta 4.700 metroko desnibela), eta bigarrenak Putzuzarretik Leitzarainoko zatia (34,2 km eta 2.194 metroko desnibela). Ibilbideko punturik altuena Irumugarrieta izan zen (1.431 m) eta ibilbide osoan, helmugaz gain, bederatzi anoa gune jarri zituzten.

Orotara, 560 bat lasterkari batu ziren herriko plazan, eta emakumeetan, Oihana Azkorbebeitia korrikalari abadiñarra nagusitu zen (7.54.59). Sara Peña korrikalari oriotarra sailkatu zen bigarren (8.28.24), eta Uxoa Irigoien getariarra hirugarren (9.20.47).

Lasterketa irabazteaz gain, 2016tik Oihana Kortazar korrikalari elgetarrak zuen errekorra hautsi zuen, hiru segundogaitik, eta lasterketan lehiatu zuten Irumugarrietako kilometro bertikalean ere bizkorrena izan zen.

Gizonezkoetan berriz, Ander Iñarra lezoarra izan zen garailea, sei ordu, 34 minutu eta 23 segundo behar izan zituelarik helmugaratzeko. Denbora horrekin, hark ere probako errekorra hautsi zuen, Daniel Agirrek 2015etik zuen marka hautsita (6.42:59). Iñaki Olano altzotarra izan zen bigarren (6.38: 37) eta Aritza Craamer leitzarra hirugarren (6.59: 14). Kilometro bertikalean ere nagusitu zen Iñarra, 54:54ko denborarekin.

Aurten Errigora omendu zuten, «Euskal Herriaren izena eta izana zabaldu, sendotu eta errotzeagatik egiten duen ekarpenagatik». Antolatzaileen hitzetan, «Euskal Herria oinarri eta auzolana lanabes dituen ekimen herritarra da Errigora, eta bete-betean egiten du bat EHMEren izaerarekin eta balioekin».

SAILKAPENA

Gizonezkoak

1 IÑARRA OLAZIREGI, ANDER  6:34:23 LEZO

2 OLANO ORBEGOZO, IÑAKI  6:38:37 ALTZO

3 CRAAMER LIZARRAGA, ARITZA  6:59:14 LEITZA

4 BERRIZBEITIA APELLANIZ, PELLO  7:08:00 EIBAR

5 AMATRIAIN ARRAIZA, RAUL  7:13:08 UITZI

6 LEGORBURU ISASTI, IRAITZ  7:21:09 GETARIA

7 RAJADO BARBERENA, ASIER  7:22:20 ANDOAIN

8 OLALDE BERASALUZE, IGOR  7:24:23 ARETXABALETA

9 SAINZ CANO, JOSE RAMON  7:34:06 BILBAO

10 AGIRREZABALA ITURRALDE, IBAN  7:34:31 BERASTEGI

Emakumezkoak

1 AZKORBEBEITIA URIZAR, OIHANA  7:54:59  ABADIÑO

2 PEÑA LIZARRALDE, SARA  8:28:24  ORIO

3 IRIGOIEN ODRIOZOLA, UXOA  9:20:47  GETARIA

4 AZPIAZU ECHABE, NEREA 9:48:56  AZPEITIA

5 OCHOA DE ALDA ZUDAIRE, AMAIA  9:57:56  DONOSTIA

6 ZABALA OSTOLAZA, JOSUNE  10:01:10  ZARAUTZ

7 MARTIN PAYO, BARBARA  10:07:35  ZUMARRAGA

8 PEDRERO SALAZAR, VANESSA  10:15:27  ZUMAIA

9 GOROSTIOLA VIDAURRAZAGA, LIDE  10:17:05  LARRABETZU

10 BASTERRA FERNANDEZ, MAIALEN  10:17:27  GERNIKA

Errekorrak

67km gizonak: Ander Iñarra Olaziregi (2023) 6:34:23

67km emakumeak: Oihana Azkorbebeitia Urizar (2023) 7:54:59

KB gizonak: Iker Karrera (2015) 0:43:25

KB emakumeak: Izaskun Zubizarreta (2015) 0:49:49

Erreleboetako lasterketa (2022): Oihana Zubillaga Blanco eta Hodei Lujanbio Apezetxea 6:50:59