Argazkia: totalenergiesbilbaomarathon.com

58 herrialdetako 11.000 parte-hartzaile baino gehiago bildu dira aurten Bilboko gaueko maratoiaren 14. edizioan, hiriko leku esanguratsuak zeharkatzen dituen zirkuituaz gozatuz, San Mamesen irteera hartuta eta Guggenheim Museoan amaituz.

Parte-hartzaileen %32a emakumeak izan dira, eta zifra hori %44ra iritsi zen Piraten Lasterketaren kasuan (10 kilometro). Guztira 5860 lagunek eman zuten izena proba motzean; 4700, 21k proban, eta 840, maratoian.

Gauean lehiaturiko sei lasterketetatik (hiru distantzietan jokaturikoak: 10, 21 eta 42 km) azkena  emakumezkoen maratoia izan zen, non Beatrice Jelagat keniarra nagusitu zen, 2 ordu, 35 minutu eta 5 segundoko denboran zeharkatu zuelarik helmuga, Salina Jebet keniarra (2:46:50) eta Dolores Marco kantabriarraren (2:52:44) aurretik. Marka horrekin, 2021ean Ednah Mukhwana herrikideak ezarritako errekorra (2:36:29) birrindu zuen.

SAILKAPENA

1 JELAGAT CHEROP, BEATRICE  2:35:05   

2 JEBET, SALINA  2:46:50

3 MARCO, DOLORES  2:52:44

4 LAZARO GARCIA, MARIA  2:53:46

5 ASTRAIN MORENO, INES  3:10:56

6 CARVALHO FERNANDES, TÂNIA  3:15:40

7 GALIANO LOPEZ, LAURA  3:18:18

8 SILVA FALHAS, CATIA  3:32:35

9 HAWLEY HAWLEY, SARAH  3:37:55

10 MARTINEZ ROURE, ANNA  3:41:38

Proba nagusiko gizonezkoen lehian, Silas Kiprotcih keniarra gailendu zen (2:14:53), Silah Kipkemboi herrikidearekiko abantaila handiarekin (2:16:49).

Aurretik, TotalEnergies Bilbao Marathon-eko 10K lasterketa Piratan Ahmed Slimanek (30:58) eskuratu zuen garaipena, bigarren Unai Ibarra (31:32) izan zen eta hirugarren Miguel Ferrer (31:35). Emakumezkoetan Sladjana Zagorac serbiarrak irabazi zuen (37:04), Maria Lopez bigarren sailkatu zen (38:11) eta hirugarren postuan Sonia Solar geratu zen (40:25).

Maratoi erdian aldiz, Abel Chebet ugandarrak irabazi zuen (1:01:38), ondoren Edwin Yator keniarra (1:02:53) eta Haftamu Abadi etiopiarra (1:03:41) helmugaratu zirelarik. Emakumezkoetan Eguzkiñe Aspiazu korrikalaria nagusitu zen, 1:22:48ko denborarekin, eta atzetik Marina Burgaya (1:23:03) eta Beatriz Tenreriro (1:25:38) helmugaratu ziren.