Argazkia: C.P.E
Rotterdam Qualification Meet 2023 txapelketa lehiatzen ari da egunotan, azaroaren 30etik abenduaren 3ra, Rotterdamgo Igeriketa Zentroan (Herbehereak), non 2024ko Parisko Jokoetarako txartela zigilatzeko gutxieneko marka baten bila dabiltza nazioarteko igerilari paralinpiko onenak.
Ostegun arratsaldean jokatu zen emakumezkoen 50 metroko bular estiloko proba eta bertan Nahia Zudaire igerilariak bigarren postua lortu zuen 44.07ko denborarekin, bidenabar marka horrekin europako errekor berria ezarri zuelarik.
SAILKAPENA
- Elena Krawzow Berliner Schwimmteam SB12 34.20 +0,62 628 970 11,1
- Nahia Zudaire Borrezo FEDDF SB7 44.07
- Anastasiya Dmytriv FEDDF SB8 36.82 +0,74 503 822 8,7
- Lisa Kruger TeamNL PARA – De Dolfijn SB9 34.86 +0,74 593 815 9,7
- Marian Polo Lopez Club Natació Barcelona SB13 37.83 +0,61 464 730 3,3
- Tatiana Lebrun Belgian Paralympic Committee SB9 36.26 +0,71 527 724 6,7
- Mira Jeanne Maack Berliner Schwimmteam SB7 47.29 +0,54 237 716
- Nuria Marques Soto FEDDF SB8 40.89 +0,83 367 600
Baita ere, 200 m. libre proban aritu zen zubietarra, non bosgarren postuan sailkatu zen. Oraindik asteburua du aurretik Buruntzaldea IKTko igerilariak eta marka eta domina gehiago eskura ditzake. Larunbatean, 200 m. lau estilo probari egingo dio aurre eta igandean, berriz, 400 m. libre saioari. Txapelketa Pariseko Joko Paralinpikoetako gutxieneko markak eskuratzeko baliagarria da eta horregatik, hitzordu garrantzitsua da honakoa Zudairerentzat.
0 Comments