Argazkia: Orio AE

Orio Orialkik Euskotren Ligako zazpigarren garaipena lortu zuen larunbatean Hondarribian eta sailkapenaren lidergoari eutsi dio.

Brankaz Orio Orialki eta Arraun Lagunak pare-parean ibili badira ere, poparean oriotarrek aurre hartu zioten Donostiako taldeari, azkenean helmugan bost segunduko errenta atera ziotelarik.

Ondoan Bandera itsaso zabaleko estropada izan zen eta oriotarrei lehen kaletik arraunean egitea egokitu zitzaien. Arraun Lagunak izan zen estropada burua hartu zuena joaneko luzean baina ziabogan maniobra azkarrago burutu zuen Oriok, eta pare-parean egin zituzten lehen metroak.

Itzulerako luzea hasterako ordea jada Oriok hartu zuen burua. Poparean sekulako lana egin zuten oriotarrek eta tarteak handitzen joan ziren. Azkenean, irabazleek 10:41.32ko denbora ezarri zuten, eremuko errekor berria.

Atzeko borrokan ere, aipagarria izan zen Tolosaldeak poparean sekulako lana egin zuela, hirugarren sartu zirelarik tolosarrak, sailkapen nagusian Donostiarrari puntu bakarrera gerturatuz.

Orain, ligako sailkapenean, 34 punturekin, bost estropadaren faltan, bost puntuko aldea ateratzen dio Orio Orialkik Arraun Lagunaki.

Nesken Ondoan Bandera

1. Orio    10:41.32       
2. Arraun Lagunak     5.14ra
3. Tolosaldea            11.50era
4. Donostiarra           17.90era

Euskotren Liga – Sailkapen nagusia

1. Orio    34 puntu       
2. Arraun Lagunak    29 puntu
3. Donostiarra   14 puntu
4. Tolosaldea    13 puntu