Argazkia: Real Sociedad Atletismo

Andoni Calbanok Euskal Herriko 200 metroko errekor absolutoa hautsi zuen iragan ostegunean Donostiako Anoeta Miniestadioan jokatutako parte hartze libreko jardunaldian.  22 urteko bergararrak 20.77ko marka (+1,9) egin zuen, Luis Sarria bizkaitarrak 1974ko abuztuaren 16an Zuricheko meetingean egindako 20.89ko (+0.4) errekorra onduz. Calbano da orainarte 21 segundotik jaitsi den lehen gipuzkoarra.

Arratsaldeko 18:40ean, hasiera eman zitzaion 200 metroetako lehen serieari, non Calbanok, bigarren sailkatu zen Jorge Illarramendiri segundo erdi baino gehiagoko aldea atera zion, 5 metro ingurukoa alegia, nahiz eta azken honek berea den Nafarroako errekorra berdindu zuen (21.28). Hartara, bere aurreko markarik onenari (21.07, Santander, 2022-7-9), 30 ehuneneko mokadua eman zion Calbanok.

Hori gutxi balitz, Andonik berak apur bat lehenago irabazi zuen 100 metroetako proba, 10.42ko denborarekin (+1,8). Gipuzkoako errekorra zatekeen, joan den larunbatean Asier Fernandez taldekideak Ordiziako meetingean 10.38 metrorekin gainditu izan ez balu.

SAILKAPENA   

1 Andoni Calbano Osinaga Real Sociedad   2000/12/11   20.77

2 Jorge Illarramendi Esteban Grupompleo Pamplona At  1995/05/22  21.28

3 Beñat Miquelarena Urroz Super Amara BAT 2005/03/27  21.96

4 Oscar Urdanoz Caudevilla Grupompleo Pamplona At 1994/08/07  22.20

5 Lander Chasco Muñoz  LEA La Blanca  2006/08/25  22.91